اصابع زينب
المقادير:
_3كاسات سميد ناعم
_ملعقة خميره مش مذوبه بتنحط كما هي حبوب
_نص كاسة زيت ذره
_ثلاث ارباع كاسة ماء وممكن تحتاجي اكتر او اقل حسب العجينه
_نص كوب يانسون
_مستكه اربع حبات
_محلب خمس حبات
_اذا عندك شومر بهار الكعك حطي ملعقتين كبار واذا ما في ما في مشكله
_قطر بارد
الطريقة:
اول شيء اطحني المستكه والمحلب سوا..
وبعدين اطحني اليانسون واخلطيهم سوا وصار عندك بهار الوصفه جاهز وهو سر الطعم الزاكي..
ضيفي الزيت والبهار اللي طحناهم والخميره واعجنيهم وضيفي المي على مهل لحتى تتشكل عندك عجينتك
بتحتاجي لهاي الوصفه لشبك بلاستك اي شبك ممكن يكون للخضار استعمليه ولو عندك الدائري اريح بلف بسهوله:
غطي العجين بكيس نايلون وخليها عشر دقائق وبعدين طولي من العجين قطع صغيره وسويها زي الشكل التالي:
حطيها على الشبك اضغطي وبنفس الوقت لفيها :
كملي باقي العجين ومجرد ما خلصتي تحضيرهم سخني الزيت وبلشي اقليهم حتى يحمروا وثم على القطر مباشره ..
الثلاثاء يوليو 13, 2010 6:12 am
