المكونات
نص كيلو لحمة مفرومة- 2بصلة حجم متوسط - 4 قرون فلفل اخضر وممكن حار حسب الرغبة -علبة سبايسى حواوشى - 5 فصوص توم -2 حبة طماطم - و6 ارغفة بلدى حجم متوسط ومش شرط عيش ابيض زى ما معرف عن عيش الحواوشى
الطريقة
وركزى معايا لانها جديدة شوية تجيبى حلة وتقطعى البصل فيها قطع صغيرة اوى مش تبشريها لا قطعيها وبعدين حطى اللحمة والفلفل الاخضروخلطة سبايسى العلبة فيها كيسين خدى كيس واحدللنص كيلو وقطعى التوم وحطى شوية ملح بسيط اوى وبهارات اكل وفلفل اسود كله بسيط اوى لان سبايسى فيه كل حاجة بس احنا هنحط ده علشان البصل والفلفل مش معمول حسابهم فى الملح والتوابل لان السبايسى على قد اللحمة المهم حطيتى كله على بعضه لحظى محطناش الطماطم مش دلوقتى وبعدين حطى شوية زيت اعملى حسابك مش هتحطى تانى جوا العيش ولا فوقه هما شوية الزيت دول وخلاص ماشى بس يا سلام يا عندك حتة لية فى الفريزر ابشرى شوية بالمبشرة على اللحمة وشوفى بقى الريحة والطعم هيبقى واااااااااو
شغلى البوتاجاز عليها وسيبى اللحمة على النار لحد اما تبقى نص سواه اوك
هاتى العيش وافتحيه من الجنب وافردى اللحمة وبعدين حطى شرايح الطماطم ولفى فى الفويل وعلى الفرن ثلث ساعة بالكتييييييير وتاكلى احلى حواوشى وااااااااااااو والله جوعت
وعلى فكرة الخلطة دى بتكفى 3 افراد
وبالف هنا
السبت فبراير 13, 2010 8:45 am
