خطف ديمة بشار والدليل المصرح مووجود واللة حررررام ياعالم حررام انقطوها بتفاعلكم

لسلام عليكم ورحمة الله وبركاته
اهلا بأحلى اعضاء في أحلى منتدى
شوفوا أنا انسانه أحب الخيال وأموت فيه و حبيت انكم تشاركوني فيه عشان كدا اليوم جبتلكم خبر عاجل جدا من خيالي مع شوية تصاميم عليه أتمنى انها تعجبكم وأتمنى كمان الردود والتفاعل والتشجيع
خبر عااجل جدا " اختطاف ديمة بشار "
أنا المرة هادي خطفت ديمة بشار غصباعني ، خطفتها لأني احبها وأبغاها قدامي طول الوقت، خطفتها وبعد كدا رجعتها لأهلها لأني حسيت بغلطتي ، وانا اليوم قدامكم عشان احكيلكم حكاية الإختطاف
وهذه البداية:
في يوم من الأيام كنت جالسة جنب الشباك بتفرج على السماء كان الوقت ليل ، لقيت فيها نجوم كتيرة مغطية السماء وكانت كلها بتلمع عجبني شكلها من بعيد قررت إني اسافر الفضاء عشان أكون قريبة منها ، ولما سافرت أتفاجأت إن عددها أكبر من اللي شفتها وأنا على الارض لدرجة اني لما كنت بمشي بين النجوم كنت بخبط فيها وبدوس على بعضها من غير قصد و ، آآآآآآآآآآآآآآآآي آآآآآخ خبطت في نجمة صغيرة لحظة اشوفها ؟!!! ايش دا معقووول اللي بشوفو !!!!هذه النجمة مو غريبة عليا !! لأ مو قادرة أصدق هادي ديوووم والنجوم اللي حوليها كمان اعرفهم هدول نجوم طيور الجنة بين نجوم السماء، كل واحد فيهم كان جالس في نجمة بحجمه لحظه أصورهم لكم
شايفين النجوم الكبيرة اللي بتلمع هدول كانوا عمو خالد ، عمر ، مصطفى ، محمدبشار
اما النجوم المتوسطة الحجم كانو ا وليد وعصومي ورغوودة وديمة وعبدالله ومعاهم نجوم اصغر كانوا لين وجنى وريماس شوفوهم كيف بيلمعوا في السماء





سلمت على ديمة أول شي لأني أحبها مووت وبعدين سلمت عالبقية وانبسط معاهم وانشدنا كل اناشيدهم ورحت معاهم في جولة بين النجوم ، لفينا عاليمين لقينا نجوم كراميش سلمنا عليهم وكملنا جولتنا ، وبعد كدا اخدوني معاهم لمقرهم كان جنب القمر وكان على شكل سحابة كبيرة مكونة من ادوار عالية جدا ما فضيت اعدهم كانت زي ناطحات السحاب عندنا




حكولي على بداياتهم وفرجوني على جديدهم اللي كان لسا ما اتعرض على القناة وعلى كل حصرياتهم ، كان كل شي شفتو وسمعتو عندهم روووعة ، وبعد الرحلة الحلوة اللي عمري ما راح انساها كان لازم ارجع للارض وللبيت ، بس دا معناه اني راح ابعد عن حبيبتي ديوم ما قدرت استحمل الفكرة فقررت إني اخطفها من غير ما أحد يحس بيا، ولما خطفتها ورجعت بيها على البيت كنت فرحانة لأنها معايا ، بس هي كانت بتبكي وتبغى ترجع لأهلها في البداية قلت في نفسي حتبكي شوية وبعدين تسكت ، بس بكاها طول وصار لها يومين على دا الحال بكى وخوف وحزن ولا اكل ولاشرب ولا اي شي حلو، انا حزنت عليها ورحت رجعتها لأهلها تاني ، وانا رجعت البيت وانا حزينة وزعلانه وكنت مشتاااقة لها وجلست طول الوقت ابكي لفرقاها لغاية لما نعست ونمت من كتر البكا
لما صحيت تاني يوم حسيت اني ما كنت مصدقة نفسي هو حلم ولا حقيقة بس فكرت بيني وبين نفسي شوية وقولت لا اكييد هادا كان حلم وانتهى لالا مو معقول انا ؟! انا !اخطف ديمة لالا مستحييل ، بس كنت فرحاانة لأني حلمت بيها وجلست افكر فيها كتير وبعد ما فطرت مع اهلي رجعت على غرفتي واخدت كراستي وجلست ارسم رغووودةوديوم وفجأة لقيتها بتطلع من الورقة



انا خفت وهي قالتلي لا تخافي انا جيت ازورك، فرحت وحضنتها بقوة واتكلمت معاها وقولتلها كل شي كنت ابغى اقولو لها ، وفجأة سمعت ماما بتناديني حسيت نفسي بصحي من حلم جديد ولقيت نفسي في غرفتي وكراستي بين ايدي وعليها بداية رسمتي وعرفت انه كان مجرد حلم يقظة مو اكتر

المهم رحت لماما عشان كانت تبغاني اساعدها في شغل البيت وانشرلها الغسيل ، اخدت الغسيل ورحت عالبلكونة وبدأت انشره وانا بأفكر في دووموة ة وطليت من سور البلكونة للحديقة الا فجأة القى ديوم جالسة على السور وبتبتسملي وسألتها فين روحتي قبل شوية ؟ قالتلي انها معايا بس انا مو منتبهة لها ، المهم انا كنت بأنشر الغسيل وانا بتكلم معاها طول الوقت ولما خلاص قربت اخلص التفت لها على السور عشان اقولها يلا حنروح على غرفتي بعد شوية ، ما لقيتها ، اختفت فجأة دورت عليها في البلكونة وما لقيتها والتفت للغسيل ابغى اكمل الباقي بس لقيت كل قطعة منه صارت صورة من صور ديمة بتمر كلها قدامي ، وفجأة لقيت ديمة جالسة تاني على السور وقالتي ها ايش رايك حلوة الصور المعلقة ، انا فرحت برجعتها وجلست اطالع الصور وانا مو مصدقة نفسي وفجأة سمعت صوت نشاز بيناديني طلع هادا صوت اخويا زياد اكره هادا الولد انقهرت منه كان جاي يقولي تقولك ماما جهزي نفسك حنروح يومين عالبحر وبعد ما راح لديوم على السور عشان اعزمها تيجي معانا لقيتها اختفت تاني وما لها اي اثر وعرفت انها احلام يقظة تاني




ورحنا وديمة لسا في بالي ولما وصلنا طلعت امشي على الشاطئ كان مليان اطفال وكبار بيسبحوا ويلعبوا وانا بتفرج عليهم شفت من بعيد بنت صغيرة في قارب مطاطي صغير وسط الامواج كانت جايه من بعيد وبتلوحليلي بايدها طليت كويس في البنت لقيتها ديومتى انا فرحت واستنيتها على الشاطئ عشان توصلي ونكون مع بعض ولما خلاص قربت من الشاطئ جات موجة قوية عليا صحتني من احلام يقظة جديدة ولقيت نفسي وسط ناس عاديين








المهم رجعت للشاليه تاني وجلست مع اهلي الى الليل واتعشينا عشا بحري بعد كدا طلعت على الشاطئ وجلست اطل في السماء والنجوم وافتكرت الرحلة اللي رحتها مع النجوم واهم شي افتكرت رغديوم ودتي وفجأة لقيتها قدامي على شكل فراشة جاية من القمر وحوليها فراشات صغار ونجوم بتلمع وكانت بتنادي اسمي قمت من مكاني وكنت حروحلها بس الموج جا عليا ، وصحيت من احلى حلم يقطة كنت فيه



المهم رحت نمت في هذه الليلة وكانت كل احلامي عن ديوم حياتي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x520.

ولما صحيت في الصباح فطرت مع اهلي وبعدين خرجت للشاطئ تاني وكان الشاطئ مليان طيور النورس وانبسط من شكلهم كانوا بيطيروا حوليا ، وعلى طول المنظر ذكرني بديوومتى وبانشودتها واتخيلتها قدامي مع الطيور وبتنشدلهم شوفوا الصورة


وبعد ما فقت كمان من دا الحلم لقيت اهلي بينادواعليا من زمان وانا سرحانة في احلامي وكانوا بيقولولي يلا خلاص حنروح على مزرعة سيدو نسلم عليه ونجلس عنده يومين ،

وصلنا للمزرعة وسلمنا على سيدو و سيتو وجلسنا معاهم شوية وبعدين قمت انا رحت لغرفة النوم كنت ابغى انام من التعب وانا على سريري باستعد للنوم لفتت انتباهي لوحة جدارية محطوطة مقابل السرير على وسط الجدار تقريبا وما ادري ايش اللي صار فجأة لفيت ديمة
حياتي قدامي بتقطفلي من ثمرة الشجرة الموجودة في اللوحة وبتناولني وبتقولي كليها بالهنا وبالعافية



انا اكلتها من ايدها وشكرتها مع اني ما بحب الفواكة بس من ايد ديمة كانت حلوة واتكلمت معاها لغاية لما نعست ونمت من غير ما احس بنفسي وفي الفجر لما صحيت طليت في اللوحة لقيتها زي ما هي وديمة ما لها أي اثر قمت اتوضيت وصليت ورحت صبحت على ماما وبابا وسيدو و ستو كان صاحيين من بدري وبيفطروا بتعرفوا كيف كبار السن بيحبو يصحوا بدري المهم بعد ما فطرت معاهم طلعت للمزرعة بتمشى فيها مع نسيم الصباح وانا بفكر في حبيبة قلبي رغودة قربت من البركة المائية لقيت حبيبتي جايتني بتصبح عليا ومعاها وردة ليا قطفتها من المشتل الموجود جنب البركة وجلست معاها الي وقت الغدا نتكلم وندردش وعاتبتها لانها كل شوية بتختفي من قدامي ولما كانت حتقولي على السبب اللي بيخليها تختفي من قدامي كل شوية نادتني شغالة سيدو وبتقولي ان الغدا صار جاهز انقهرت منها وكان نفسي اموتها من القهر لانها بس نادتني من هنا رجعت اختفت رغودة تاني من هنا من غير ما تجاوب على سؤالي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x520.


رحت اتغديت معاهم من غير نفس " نقنقة يعني مو غدا غدا " لاني كنت سرحانة فيها وجلست على دا الحال زعلانة وسرحانة لغاية الليل وبعد صلاة العشا بابا كان بيشغل السيارة كنا راجعين على البيت واخواني لجين وليان واياد وزياد كانو عاملين غلبة عندي كانوا بيلعبوا جنبي وبينفخوا فقاعات الصابون انا عصبت منهم وقمت عشان اخاصمهم واضربهم الا القى فقاعات الصابون اللي نفخوها جاية عليا مع الهوا وكانت منتشرة حولي ولاني بفكر في رغودتي حياتي شفتها جالسة في بعض الفقاقيع كنت مبسوطة وانا بشوفها تطير وحسيت اني طايرة داخل فقاعة معاها ومع باقي الفقاقيع



وكنا بنلعب ونلحق بعض من داخل الفقاقيع ولما كنت خلاص حمسكها صحيت على صوت ماما بتقولي يلا غدي يلا يا ماما قومي عشان تصلي الفجر وتجهزي نفسك للمدرسة



كان اليوم اول يوم في الاختبارات النهائية واكتشفت اني كنت نااااااااااايمة في سابع نومة وكل اللي شفتو كان مجرد منام مو اكتر من كدا واني لا رحت رحلة ولا خطفت ديمةولا أي شي صار .



في الختام اتمنى اني ما اكون تقلت عليكم و انا مستنية ردودكم و تشجيعكم والنقد البناء لأي اخطاء تلقوها و ايش رأيكم عجبكم ولالا


وشكرا.
للامااانة
ابا تقايم واللة تعبت لاحد يرد بدوون تقيم والتفاعل اهم شى واخيرا وليس اخرا

هههههههههههههههههههههههههههه

يسسلمو

يسلموووو

هههههههههههههههههه


مشكوووووورهـ

مشششكووووووووووووووووورة كثيير
تقبلي مررووري

حياتي كان حلم مو حقيقه

وثانيا لاتحرمي ع كيفك ياسوكره

هههههههههه

يسلمووووووو

تقبلي مرووري

كل الـــــــــــ ـــــــــــــــــــــــــــــبلدان تحببببببببببببببببببببك يا ديووووووووووووووومةة

ههههههههه
مشكوووووووووورة

يسلموووووووووو ههههههههههههههه

هههههههه يسلمووووو ما شاء الله عليك والله مبدعه الله يقويك :(جمييييلة): :(جمييييلة):

هههههههه يسلمووووو ما شاء الله عليك والله مبدعه الله يقويك :(جمييييلة): :(جمييييلة):

يسسسسسسسسسلمووووووووو

هذي محبات ديمه شوفو من كثر حبهم لها سارو يحلمو بيها حتى انا مره حلمت بيها

شكرا على المجهود الرائع انا ما اعرف اقيم ولو عرفت لقيمتك

والله ديوووووووووووم تستاهل ما شاء الله علييييييييك :(مووافق):

يسلمو هههههههههههههه

هههههههههههههههههههههههههههه يسلموا

ميرسي لالك

لهالدرجة بتحبي ديوومة ؟؟


شكرا كتيير وتقبلي مروري

خفت لما قرأت الموضوع بحسبه حقيقه


:(يضحك): :(يضحك): :(يضحك):



يسلمووووووووووووووووووووووووو

مشكوره

مشكووووورة

ههههههههههههههههههههههههههههه
مشكـورهـ ياقلبووووووو^^