أنواع بنات الكويت في المدرسه
1_ الفدعه {مزيونه } : بنت حلوه أو فيها جاذبيه قويه و عوبه
و ممكن تكون في بعض الأحيان من تحت لتحت الشطانه
غالبيا ما تكون متروسه شوي و شخصيتها مغروره و هاديه جدام الأبلات
و شطانتها بس تطلع في الفرص ذكيه بس مو دراسه فيها من الدلع و الكبر بس يكون لايق
2_ الجويده { أم قليب } : بنت ذكيه تصك على ذكآء دكستر
غالبا يحطونها الأبلات مراقبه الكتب و تسجل أسماء البنات إلي ما يحلون
و طبعا إتحل أول بأول و تحضر موجود طبعا و دايم الأبله تقارن بنات الصف فيها
مستحيل تشوفها مخالفه أو طالعه برا النظام و كل أبلاتها يمدحونها
3_ المفهيه { ما تدري وين الله قآطهآ } : بنت ما تدري وين الله قاطها
و ما تتذكر الواجب إلا بوقت الطابور غالبا ما تنقل من الجويدات كله سرحانه
تفكر بالطلعات و الأغاني و ما تنتبه مع الدرس و تحسب الأيام على الطاوله أو أوراق
تنطر الخميس و العطله النهائيه أو الرسميه نسبه غباءها كبيره في الدروس ما تحفظ
بسرعه تحب تركض و تلعب بالفرص
4_ الجيكره { إلي قآصه ع نفسهآ } : بنت حيل جاذبه على عمرها
غالبا ما تكون صنقل و ضعيفه مطيحه الميانه مع الأبلات مسويه نفسها شعبية المدرسه
و إهيا خرطي و دايم تكون نفسيتها بخشمها و مستقويه على البنات إلي ما عندهم شخصيه
أو ما يعرفون يردون عليها و نحيسه حيل و فوق هذا جيكره
5_ الفصله { Free} : بنت خبله جريئه و غالبا تلقاها تهرب
و إذا قعدت بالحصه تكون متعاقبه أو تنطرد من الصف
تحب تتطنز على الأبله و تضغط مرحه و تكون كاشخه إتييب فونها للمدرسه
إنسانه إتحب إتهاوش مع خلق الله و المدرسات و كل المدرسات يشتكون منها
و أكثر شي تتواجد عند الوكيله مطيحه بالتعهدات و الإستدعاء ولي أمر
ملآحضه : من كتابتي الموضوع و تأليفي
أتمنى يكون عجبكم
على فكرة كل ما اجيبلكم موضوع و اتعب بكتابته بتكتبولي يسلموو او شكراا
انا بدي كلمات تشجعني عشان اجيبلكم مواضيع اكتر
الأربعاء يناير 25, 2012 10:27 am
